ایم کیوایم لیاقت آباد سیکٹر یونٹ 166 کے یونٹ انچارج کے بھائی خرم احمد کی المناک شہادت پر الطاف حسین کا اظہار افسوس
لندن:۔۔۔12، مئی 2015ء
متحدہ قومی موومنٹ کے قائدجناب الطاف حسین نے ایم کیوایم لیاقت آبادسیکٹریونٹ166کے یونٹ انچارج کے بھائی خرم احمدکی فائرنگ کے واقعے میں المناک شہادت پرگہرے رنج وغم کا اظہار کیا ہے۔ ایک بیان میں جناب الطاف حسین نے خرم احمد شہید کے تمام سوگوار لواحقین سے دلی تعزیت وہمدردی کا اظہار کرتے ہوئے انہیں صبرکی تلقین کی اورکہاکہ دکھ اورافسوس کی اس گھڑی میں مجھ سمیت ایم کیوایم کے تمام کارکنان آپ کے غم میں برابرکے شریک ہیں۔جناب الطاف حسین نے دعا کی کہ اللہ تعالیٰ خرم احمدشہیدکواپنی جواررحمت میں اعلیٰ مقام عطافرمائے اورسوگوارلواحقین کوصبرجمیل عطاکرے۔(آمین)