ایم کیوایم کے زیر اہتمام کراچی میں بارش کیلئے نیو کراچی کی بغدادی مسجد گراؤنڈ میں نماز استسقاء ادا کی گئی

کراچی۔۔۔۔08مئی 2015

متحدہ قومی موومنٹ کے زیر اہتمام کراچی بھر میں جلد بارش کے لئے آج سہ پہر 03بجے نماز استسقاء ادا کی گئی ۔نما ز استسقاء کا اہتمام نیو کراچی میں واقع بغدادی مسجد گراؤنڈ 11-D میں کیا گیا جس میں حق پرست ارکان قومی وصوبائی اسمبلی ایم کیو ایم کے ذمہ داران و کارکنان ، عمائدین علاقہ اور حق پرست عوام نے بڑی تعداد میں شرکت کی ۔ بعدازاں اجتماعی دعا کی گئی جس میں پانی کی شدید قلت کے خاتمے اور جلد بارشوں کیلئے خصوصی دعا کی گئی ۔ اس موقع پر حق پرست اراکین قومی وصوبائی اسمبلی نے میڈیا کے نمائندگان سے گفتگو کرتے ہوئے کہاکہ شہر میں پانی کی قلت کے باعث عوام کا برا حال ہے اور پانی کا حصول لوگوں کا اولین مسئلہ بن چکا ہے ۔ انہوں نے کہا کہ شہر میں پانی کی قلت کے خاتمے کیلئے صوبائی حکومت کے اقدامات مایوس کن ہیں تاہم ایم کیوایم پانی کے بحران پر عوام کے ساتھ ہے اور انشاء اللہ اس بحران کے خاتمے تک عوام کے ساتھ کھڑی رہے گی ۔ انہوں نے حق پرست عوا م و کارکنان سے اپیل کی کہ وہ بھی اپنے اپنے علاقوں میں بارشوں کیلئے نماز استسقاء کا اہتمام کریں