ایم کیوایم کے تحت برطانوی رکن پارلیمنٹ جارج گیلووے کے بیان کیخلاف کراچی پریس کلب کے باہربڑااحتجاجی مظاہرہ
احتجاجی میں ایم کیوایم کی رابطہ کمیٹی ،ونگزاورشعبہ جات کے کارکنان سمیت ہزاروں افرادکی شرکت
ایک جارج گیلوے برطانیہ میں آباد ہے جبکہ دوسرا جارج گیلوے پاکستان میں رہتا ہے ،ڈاکٹرمحمدفاروق ستار
برطانوی حکام نظر رکھیں کہ کوئی شخص اپنی انتخابی مہم کے دوران آپکے قانون و آئیں کی دھجیاں بکھیر رہا ہے،ڈاکٹرخالدمقبول صدیقی
ہم تمام قومی سلامتی کے اداروں کا اور تمام قانون نافذکرنے والے اداروں کو دل سے احترام کرتے ہیں،قمرمنصور
ایم کیو ایم پاکستان کی تیسری بڑی جماعت ہے جسکا ماضی ،حال اور مستقبل پاکستان سے جڑا ہوا ہے،حیدرعباس رضوی
ڈاکٹرمحمدفاروق ستار،خالدمقبول صدیقی،قمرمنصور،حیدرعباس رضوی اوردیگرکاکراچی پریس کلب کے باہربڑے احتجاجی مظاہرے سے خطاب
کراچی۔۔۔7مئی 2015ء
متحدہ قومی موومنٹ کے زیراہتمام برطانوی رکن پارلیمنٹ جارج گیلووے کے بیان کے خلاف کراچی پریس کلب کے باہربڑااحتجاجی مظاہرہ کیاگیاجس میں ایم کیوایم کی رابطہ کمیٹی ،ونگزاورشعبہ جات کے کارکنان سمیت ہزاروں افرادنے شرکت کی،اس موقع پرحق پرست اراکین ،سینیٹ ،قومی و صوبائی اسمبلی بڑی تعدا د موجود تھے۔مظاہرے میں شریک افرادنے ہاتھوں میں پلے کارڈزاٹھارکھے تھے جن پرجارج گیلووے کی بیان کی شدیدالفاظ میں مذمت کی گئی اورقائدتحریک الطاف حسین سے مکمل اظہاریکجہتی کیاگیا۔ احتجاجی مظاہرے سے رکن رابطہ کمیٹی ورکن قومی اسمبلی ڈاکٹر محمدفارو ق ستار نے کہا کہ ایک جارج گیلوے برطانیہ میں آباد ہے جبکہ دوسرا جارج گیلوے پاکستان میں رہتا ہے ،یہ کوئی شخص نہیں بلکہ شراورشرم کا نام اور مقام ہے جو اپنے مخالفوں پر جھوٹے ، بے بنیاد اور شر انگیز الزامات لگا تا ہے جبکہ اسکا خود ماضی مکاری اور عیاری میں گزار ہے۔ڈاکٹر فاروق ستار نے اپنے خطاب میں مزید کہا کہ جارج گیلوے انتخابی مہم میں پاکستانیوں کو تقسیم کرنے کی گھناؤنی سازش کررہا ہے ،یہ شخص ٹیبل اسٹوری کے ذریعے لوگوں پر منگھرت الزامات لگا کر اور انتشار پہلاکر ووٹ حاصل کرنا چاہتا ہے جو کہ قابل مذمت عمل ہے ۔ڈاکٹر فاروق ستار نے کہا کہ ہم نے کراچی میں متعین برطانوی ڈپٹی ہائی کمشنر کے ذریعے جارج گیلوے کی جانب سے منی لانڈرنگ کے حوالے سے کی جانے والی باتوں پر تشویش کا اظہار کیا ہے کہ ابھی فیصلہ نہیںآیا تو اسکارڈ لینڈ یارڈ کے کس ذرائع نے انہیں یہ اطلاع دی کہ منی لانڈرنگ کا الزام جناب الطاف حسین پر تھوپ رہا ہے، برطانوی حکام اس کا نوٹس لیں اور جارج گیلوے کے خلاف تحقیقات کرائیں اور اسے انتخابات سے نا اہل قرار دیں۔انہوں نے کہا کہ ٹارگیٹڈ آپریشن کے بعد سے اب تک 1200کارکنان ہمارے شہید کیئے گئے ،اس کے باوجود سینیٹ کی تیسری ،قومی اسمبلی کی چھتی بڑی جماعت کا میڈیا ٹرائل کیا جارہا ہے ،ہمارے خلاف لوگوں کو ٹی وی بٹھا کر گھنٹوں کووریج دی جارہی ہے یہ بہتر عمل نہیں ہے۔ڈاکٹر فاروق ستار نے کہا کہ آج عوام نے ہاتھ اٹھا کر جارج گیلوے کو مسترد کریا ہے یہ وہی لاکھوں ہاتھ ہیں جنہوں نے 23اپریل کو این اے 246میں جناب الطاف حسین کو کامیاب کرایا اور سانہیں ہاتھوں نے ہمارے خلاف بنائی جانے والی جے آئی ٹیز کو مسترد کرتے ہوئے اپنے قائد پر بھر پور اعتماد کا ایک مرتبہ اظہار کردیا ہے۔انہوں نے کہا کہ جناح پور سے بد ترین الزام ہم پر نہیں لگایا جا سکتا ، پولیس کا ایک ٹچہ ایس ایس پی جارج گیلوے جو زمینوں کی بندر بانٹ ،ریتی بجری کی چوری اور دیگر جرائم کے کاموں ملوث ہے وہ ایم کیو ایم پر ملک دشمنی کا الزام لگا تا ہے،اس ٹچہ افسر کو میں افسر جب مانونگا کہ وہ ذوالفقار مرزا کو گرفتار کریگا اور دوسری جانب ایک ٹچہ وزیر اور دوسرے لوگ کراچی کے شہریوں کو پانی اور بجلی کے لئے ترسارہے ہیں،۔انہوں نے کہا کہ مسلسل ہمارے کارکنان کے گھروں پر چھاپے مارکر انہیں گرفتار کیا جارہا ہے ،جھوٹے الزامات اور جھوٹی جے آئی ٹیز بنوائی جارہی ہیں،92آپریشن سے پہلے بھی یہی کچھ ڈرامہ کیا گیا تھا لیکن اللہ تعالیٰ ان تمام الزامات سے ہمیں بری کیا ۔