بعض میڈیاچینلزپرنشرہونے والی خبرمیں ایم کیوایم کے رکن قومی اسمبلی خواجہ سہیل منصورپرلگایا جانے والا الزام قابل مذمت ہے ۔ رابطہ کمیٹی متحدہ قومی موومنٹ

کراچی ۔۔۔ 5 مئی 2015ء

متحدہ قومی موومنٹ کی رابطہ کمیٹی نے بعض میڈیاچینلزپرنشرہونے والی خبرمیں ایم کیوایم کے رکن قومی اسمبلی خواجہ سہیل منصورپرلگائے جانے والے الزام کی شدیدمذمت کی ہے ۔اپنے ایک بیان میں رابطہ کمیٹی نے کہاکہ خواجہ سہیل منصورایم کیوایم کے رکن قومی اسمبلی ہی نہیں بلکہ ایک سینئراورمعزز صنعتکار ہیں جوباقاعدگی سے ہرسال اپنی آمدنی پرانکم ٹیکس اداکرتے ہیں ۔انہیں پاکستان میں سب سے زیادہ ٹیکس اداکرنے والے رکن قومی اسمبلی کے طوپروفاق پاکستان کی جانب سے ’’ ستارہ امتیاز ‘‘ سے بھی نوازاگیا۔خواجہ سہیل پر کرپشن کاکوئی داغ نہیں ، وہ ایک سیلف میڈ بزنس مین ہیں اورانہوں نے اپنی برسوں کی رات دن کی محنت سے اپنے کاروبارکووسیع کیا۔اپنی محنت اورایماندارکی بنیادپروہ کئی اداروں کے بورڈآف ٹرسٹی اوربورڈممبررہے۔ ان کی قانون پسندی یہ ہے کہ ان کے خلاف آج تک موٹرسائیکل کا چالان تک نہیں ہوا۔ ایسے صاف ستھرے کردارکے مالک رکن قومی اسمبلی پر تاجروں سے بھتہ کاالزام عائد کرناانتہائی افسوسناک ہی نہیں بلکہ قابل مذمت ہے ۔رابطہ کمیٹی نے کہاکہ اس الزام تراشی کے ذریعے خواجہ سہیل کوبدنام کرنے اوران کی کردارکشی کی کوشش کی گئی اورخواجہ سہیل اس الزام تراشی اورکردارکشی پر قانونی چارہ جوئی کاحق محفوظ رکھتے ہیں۔