لیاقت آباد میں تیز رفتاری کے سبب مسافر بس بے قابو ہونے کے نتیجے میں متعدد افراد کے جاں بحق اور زخمی ہونے پر جناب الطاف حسین کااظہار افسوس

لندن۔۔۔05مئی2015ء

ایم کیوا یم کے قائد جناب الطاف حسین نے لیاقت آباد میں فردوس شاپنگ سینٹر کے قریب تیز رفتاری کے سبب مسافر بس بے قابو ہونے کے نتیجے میں متعدد افراد کے جاں بحق اور زخمی ہونے کے واقعہ پر گہرے دکھ اور افسوس کا اظہار کیاہے۔ ایک بیان میں جناب الطاف حسین نے واقعہ کو افسوسناک قرار دیتے ہوئے کہا کہ ڈرائیونگ کے دوران بے احتیاطی اور تیز رفتاری کے سبب ہر سال درجنوں افراد قیمتی جانوں سے ہاتھ دھو بیٹھتے ہیں یا زندگی بھر کے لئے معذور ہو جاتے ہیں ۔جناب الطاف حسین نے حکومت اور متعلقہ اداروں کے ذمہ داران سے مطالبہ کیا کہ وہ ٹریفک حادثات کی روک تھام کیلئے عوام میں مختلف طریقوں سے آگہی پیدا کرنے کے اقدامات کریں تاکہ انسانی جانوں کے مزید ضیائع سے بچا جاسکے ۔جناب الطاف حسین نے حادثے کے نتیجے میں جاں بحق ہونیوالے افراد کے درجات کی بلندی اور خواتین و بچوں سمیت تمام زخمیوں کی جلد و مکمل صحتیابی کیلئے دعا کی ہے ۔