اگر این اے 246کی پولنگ کے دوران سرکاری اہلکاروں کی جانب سے رکاوٹیں نہ ڈالی جاتیں اور ووٹرزکوتنگ نہ کیاجاتاتوایم کیوایم دو لاکھ سے زائدووٹ حاصل کرتی۔الطاف حسین

لندن ۔۔۔ 28 اپریل 2015ء

متحدہ قومی موومنٹ کے قائدجناب الطا ف حسین نے کہاہے کہ اگرقومی اسمبلی کے حلقہ این اے 246کی پولنگ کے دوران سرکاری اہلکاروں کی جانب سے رکاوٹیں نہ ڈالی جاتیں اورو وٹرزکوتنگ نہ کیاجاتاتوایم کیوایم ڈیڑھ لاکھ سے زائدووٹ حاصل کرتی۔ انہوں نے یہ بات آج ایم کیوایم پنجاب کے صدرمیاں عتیق اورلاہور آفس میں ایم کیوایم سینٹرل پنجاب اورجنوبی پنجاب کے ذمہ داروں اور کارکنوں سے فون پر گفتگوکرتے ہوئے کہی۔ جناب الطاف حسین نے کہاکہ تمام ترمظالم ، سازشی ہتھکنڈوں ، منفی پروپیگنڈوں اور بڑے پیمانے پرکئے جانے والے میڈیا ٹرائل کے باوجود قومی اسمبلی کے حلقہ این اے 246پر ہونے والے ضمنی انتخاب اورحالیہ کنٹونمنٹ کے انتخابات میں ایم کیوایم کوجوشاندارکامیابی حاصل ہوئی ہے وہ اللہ تعالیٰ کے فضل وکرم اوراس کی تائیدوحمایت کی بدولت ہے۔اس سے ایک بارپھرثابت ہوگیاہے کہ سچ اورحق کی تحریک کوظلم وجبراورمیڈیاٹرائل سے ختم نہیں کیاجاسکتا۔جناب الطاف حسین نے حالیہ انتخابات میں شاندار کامیابی پرپنجاب کے ایک ایک کارکن کومبارکباد پیش کی اور کٹھن حالات کے باوجود ثابت قدم رہنے پرخراج تحسین پیش کیا۔ اس موقع پر تمام ذمہ داروں اورکارکنوں نے بھی جناب الطا ف حسین کو فرداًفرداًمبارکبادپیش کی ۔