تمام ذ مہ داران وکارکنان مصائب ومشکلات کے باوجودحالیہ انتخابات میں ایم کیوایم کی شاندارکامیابی پر اللہ تعالیٰ کے حضورشکراداکریں۔الطاف حسین
چاروں صوبوں ،شمائلی ،قبائلی علاقہ جات اورکشمیرمیں کارکنان وذمہ داران ایک وقت کاکھانا اپنےعلاقے میں کسی بھی ایک غریب و مستحق خاندان کے گھرپہنچائیں۔الطا ف حسین
لندن ۔۔۔ 28 اپریل 2015ء
متحدہ قومی موومنٹ کے قائدجناب الطا ف حسین نے اپنے ایک بیان میں سندھ، پنجاب،بلوچستان، خیبرپختونخوا چاروں صوبوں اورشمائلی اورقبائلی علاقہ جات اورکشمیرسے تعلق رکھنے والے ایم کیوایم کے تمام ذ مہ داروں اورکارکنوں سے کہاہے کہ وہ تمام ترمصائب ومشکلات کے باوجودحالیہ انتخابات میں شاندارکامیابی پر اللہ تعالیٰ کے حضورشکراداکریں اورایک وقت کاکھاناپکاکراپنے اپنے علاقے میں رہنے والے کسی بھی ایک غریب و مستحق یاسفیدپوشی میں زندگی گزارنے والے خاندان کے گھرپہنچائیں۔