حق پرست عوام کنٹونمنٹ کے الیکشن میں ووٹ دے کرایم کیوایم کے امیدواروں کوکامیاب بنائیں ۔ الطاف حسین

لندن ۔۔۔ 24 اپریل 2015ء

متحدہ قومی موومنٹ کے قائدجناب الطاف حسین نے حق پرست عوام سے اپیل کی ہے کہ وہ کل بروزہفتہ مورخہ 25 اپریل کوہونے والے کنٹونمنٹ کے الیکشن میں ووٹ دے کرایم کیوایم کے امیدواروں کوکامیاب بنائیں۔ اپنے ایک بیان میں جناب الطاف حسین نے کہاکہ ایم کیوایم کے نمائندوں نے ماضی میں بھی کنٹونمنٹ کے علاقوں میں منتخب ہوکروہاں کے عوام کی بھرپورخدمت کی ہے اور اب بھی انشاء اللہ وہ کامیاب ہوکرماضی کی طرح عوامی خدمت کاسلسلہ جاری رکھیں گے ۔ جناب الطاف حسین نے کراچی اور حیدرآباد کے کنٹونمنٹ کے علاقوں کے عوام سے پرذوراپیل کی کہ وہ ہفتہ کوہونے والے کنٹونمنٹ کے الیکشن میں ایم کیوایم کے امیدواروں کو اپنے ووٹوں سے کامیاب بنائیں۔