ایم کیو ایم رابطہ کمیٹی کا الیکشن کمیشن اور انتظامیہ سے ڈبل سواری پر عائد پابندی ہٹانے کا مطالبہ
عوام اور ووٹرز ڈبل سواری پر پابندی کے باعث ایک سستی سواری سے محروم رہیں گے،انتظامیہ اس فیصلے پر نظر ثانی کرے
کراچی۔۔۔23اپریل2015ء
متحدہ قومی موومنٹ کی رابطہ کمیٹی نے انتظامیہ اور الیکشن کمیشن آف پاکستان سے مطالبہ کیا ہے کہ این اے246میں بھاری تعداد میں سرکاری اہلکاروں کی تعیناتی کے باوجود ڈبل سواری پر پابندی بلا جواز ہے۔ اپنے ایک بیان میں رابطہ کمیٹی نے کہا کہ ڈبل سواری پر پابندی سے نہ صرف عام آدمی متاثر ہوگا بلکہ این اے246کے غریب متوسطہ طبقہ کے ووٹرز کو ایک سستی سواری کی سہولت سے محروم ہونا پڑے گا۔رابطہ کمیٹی نے ایک مرتبہ پھر اس فیصلے پر نظر ثانی کرنے کی درخواست کی ہے کہ ضلع وسطی میں ڈبل سواری پر پابندی فی الفور ختم کی جائے تاکہ ووٹرز اپنا حقِ رائے دہی بہتر طور پر استعمال کرسکیں۔