ایم کیوایم کے امیدوار کنور نوید جمیل نے عمران اسماعیل کو نازیبا و بیہود ہ الفاظ کے استعمال اور حیدرآباد کے سٹی ناظم کی حیثیت سے کرپشن میں ملوث ہونے کے جھوٹے الزامات لگانے پر 50کروڑ روپے ہرجانے کا لیگل نوٹس بھجوا دیا
کراچی ۔۔۔22، اپریل 2015ء
متحدہ قومی موومنٹ کے این اے 246کی نشست پر نامزد امیدوار کنور نوید جمیل نے اپنے وکیل کی معرفت تحریک انصاف کے امیدوار عمران اسماعیل کو پچاس کروڑ روپے ہرجانے کا لیگل نوٹس بھجوا دیا ہے ۔ یہ لیگل نوٹس عمران اسماعیل کی جانب سے انتخابی مہم کے دوران کنور نورید جمیل کے خلاف نازیبا ، بیہودہ الفاظ کے استعمال اور حیدرآباد کے سٹی ناظم کی حیثیت سے کرپشن میں ملوث ہونے کے جھوٹے اور بے بنیاد الزامات لگانے پر بھجوایا ہے ۔ یہ لیگل نوٹس کنور نوید جمیل نے اپنے وکیل راؤ محمد شریف کی معرفت عمران اسماعیل کو بھجوایا ہے ۔