قائدتحریک جناب الطاف حسین عظیم لیڈرکے ساتھ بہترین ٹیچربھی ہیں جنہوں نے تہذیب اور امن کا درس دیا ہے، کنور نوید جمیل

کراچی۔۔۔20اپریل2015ء

این اے246سے متحدہ قومی موومنٹ کی جانب سے نامزدحق پرست امیدوارکنورنویدجمیل نے کہاہے کہ پاکستان تحریک انصاف ملک میں تبدیلی تونہیں لاسکی تاہم اس جماعت نے قومی سیاست میں گالم گلوچ کاکلچرضرورمتعارف کرادیاہے ،پی ٹی آئی کے جلسے میں100افرادبھی حلقہ این اے246سے نہیں تھے،جلسے میں کراچی کے بنیادی مسائل کااحاطہ اورحل پیش نہیں کیاگیا۔ان خیالات کااظہارانہوں نے پیر کی شام جناح گراؤنڈعزیزآبادمیں میڈیاکے نمائندوں کوپریس کانفرنس کے دوران کیا۔کنورنویدجمیل نے کہاکہ کافی عرصے سے میڈیامیںیہ خبریںآرہی ہے کہ کسی امیدواریارہنماء کوقتل کردیاجائے گا
۔انہوں نے کہاکہ ایم کیوایم پرالزام چاندپرتھوکنے کے مترادف ہے، پی ٹی آئی کے چیئرمین عمران خان نیازی ،مرکزی قیادت کومشورہ دیاکہ اچھی بات کسی سے بھی سیکھی جاسکتی ہے لہٰذاعمران خان الطاف بھائی کوفالوکریں، جناب الطاف حسین عظیم لیڈرکے ساتھ بہترین ٹیچربھی ہیں جنہوں نے تہذیب و امن کا درس دیا ہے ۔عمران اسماعیل کی جانب سے لگائے گئے الزامات کاجواب دیتے ہوئے کنورنویدجمیل نے کہاکہ حیدرآبادکے عوام مجھے پسندکرتے ہیں دیانتداری سے نظامت کی اورکبھی دفتر میں کھاناتک نہیں کھایاکہ عوام کاپیسہ ہے اورنہ ہی کبھی خودپریااپنے گھروالوں پرکوئی پائی پیسہ خرچ کیا۔اس ضمن میں وفاقی وزیرداخلہ ،ڈی جی رینجرز،آئی جی سندھ سمیت انتظامیہ سے مطالبہ کیاکہ تمام نامزد امیدواران کوفل پروف سیکوریٹی فراہم کی جائے اوراس طرح کی خبریں پھیلانے والے میڈیاکے نمائندوں سے بازپرس کی جائے۔انہوں نے کہاکہ حیدرآبادمیں ترقیاتی منصوبوں کوپائیہ تکمیل تک پہنچایاجوآج بھی حیدرآبادکی ذینت بنے ہیں۔انہوں نے دستاویزات دیکھاتے ہوئے کہاکہ عمران اسماعیل پربہت الزامات ہیں،عمران اسماعیل کے نام ضلع ملتان کی ایف آئی آرہے ،ان کے 10لاکھ اور20لاکھ کے چیک باؤنس ہوئے ،کورنگی انڈسٹریل ایریاکے تھانے میں عمران اسماعیل کے خلاف کورٹ نوٹس ہے ۔انہوں نے کہاکہ ہمیں معلوم ہے کہ پی ٹی آئی نے جیتنانہیں ہے لہٰذاعزت بچاؤمہم کے تحت پولیس، انتظامیہ ،الیکشن کمیشن اورپرنٹنگ پریس پرالزامات لگارہے ہیں۔انہوں نے کہاکہ چھوٹاساجلسہ کنٹرول نہیں کرسکتے اورنیا پاکستان بنانے کے دعویٰ کرتے ہیں ، اسرار گنڈا پور کاخبیرپختونخواہ میں قتل ہواہے دوسرے ایم پی اے کے نام ایف آئی آر درج ہے پی ٹی آئی کے اپنے کارکنان پرجلسے میں لڑتے ہیںآپس میں ہی اپنے عہدیداروں کے خلاف الزام تراشیاں کررہے ہیں اور عمران خان جناب الطاف حسین سے مقابلہ کررہے ہیں جن کی23سال سے جلاوطنی کے باوجودانکی جماعت نظم و ضبط کی مثال ہے۔انہوں نے کہاکہ جولوگ پاکستان میں طالبان کے آفس کھلواناچاہتے ہیں وہ ملک کی سب سے لبرل موڈریٹ جماعت کا دفتر بند کروانا چاہتے ہیں پی ٹی آئی کے جلسے میں جنریٹربندہوگیاتواس کاالزام بھی ایم کیوایم پرڈال دیاگیا ۔کنورنویدجمیل نے کہاکہ جماعت اسلامی کوگذشتہ تین دہائیوں سے کراچی کے عوام مستردکرتے چلے آرہے ہیں اور اس مرتبہ بھی عوام ایم کیو ایم کے حق میں فیصلہ کریں گے۔