الطاف حسین نے تاریخی جدوجہد سے مہاجرقوم کو عزت ہمت، شعور اور سراٹھا کر جینے کا سلیقہ دیا ہےاظہار احمد اور ڈاکٹر سلیم دانش

لندن ۔۔13اپریل 2015ء 

متحدہ قومی موومنٹ کی رابطہ کمیٹی کے ارکان اظہار احمد اور ڈاکٹر سلیم دانش نے کہا ہے کہ ایم کیوایم کے قائد جناب الطاف حسین نے اپنی تاریخی جدوجہد میں مہاجرقوم کو نہ صرف عزت سے جینے کا سلیقہ دیا بلکہ انہیں ہمت،شعور ،اور حوصلہ بھی دیا ہے ۔ اپنے ایک بیان میں رابطہ کمیٹی کے اراکین نے کہا کہ جماعت اسلامی، متعدد بار حکومتوں کے مزے لیتی رہی مگر اس نے کراچی ،حیدرآباد سمیت سندھ کے دیگر شہری علاقوں کے عوام خصوصاً مہاجر قوم کے غصب شدہ حقوق کے حصول کیلئے کچھ نہیں کیا انہیں نہ صرف تعصب کی نگاہ سے دیکھا بلکہ ان کے ساتھ غیرو ں جیسابرتاؤ بھی کیا۔ انہوں نے کہا اگر جماعت اسلامی کراچی کے عوام کے عوام سے مخلص ہوتی اور ان کے حقو ق کیلئے جدوجہد کرتی تو آج جناب الطاف حسین کو ایم کیوایم بنانے کی ضرور ت پیش نہ آتی۔انہوں نے کہا کہ عوام اچھی طرح سے واقف ہیں کہ تعلیمی اداروں میں کلاشنکوف کلچر بھی جماعت اسلامی نے متار و ف کروایا اورمہاجر طلبہ تنظیم کو اسلحہ اورتشدد کے زریعے تعلیمی اداروں سے جبراً نکالا ۔ انہوں نے کہا کہ کشمیر ،بوسینا ، فلسطین ،چیجنیاسمیت دیگر مظلوموں کے نام پر بھتہ لینے والے اور جہاد کے نام پر معصوم نوجوانوں کو مروانے والے کس منہ سے کراچی کے عوام کے دکھ درد کی باتیں کررہے ہیں اور کس منہ سے ووٹ مانگ رہے ہیں ۔ رابطہ کمیٹی کے اراکین اظہار احمد اور ڈاکٹر سلیم دانش نے کہا کہ جناب الطاف حسین نے سندھ کے عوام کو شعوردے دیا ہے اور وہ اچھے اور برے کی تمیز کرنے لگے ہیں جس کا اظہار 23اپریل کو ہونے والے ضمنی الیکشن میں اپنا جمہوری حق استعمال کر کے مخالفین کی ضمانتیں ضبط کرادیں گے ۔