عزیز آباد میں کوریج کے دوران اے آر وائی کی نیوز ٹیم کو شرپسند کی جانب سے دھمکیاں دینے پر رابطہ کمیٹی کا اظہار مذمت
اے آر وائی کی نیوز ٹیم کو دھمکیاں دینا انتہائی قابل افسوس عمل ہے اور شرپسند عناصر کی یہ کاروائی کسی طور بھی آزادی صحافت کے زمرے میں نہیں آتی ہے، رابطہ کمیٹی ایم کیوایم
ایم کیوایم آزادی صحافت پر یقین رکھتی ہے اور صحافتی اقدار اور روایت کے فروغ کیلئے اپنا ہر سطح پر کردار ادا کرتی رہی ہے، رابطہ کمیٹی
انتظامیہ اے آر وائی نیوز ٹیم کے ارکان کو دھمکیاں دینے میں ملوث عناصر کے خلاف کارروائی عمل میں لائے، رابطہ کمیٹی
کراچی ۔۔۔3، اپریل 2015ء
متحدہ قومی موومنٹ کی رابطہ کمیٹی نے عزیز آباد میں دوران کوریج اے آر وائی نیوز کی ٹیم کے ارکان کو شرپسند عناصر کی جانب سے دھمکیاں دینے کی سخت ترین الفاظ میں مذمت کی ہے ۔ ایک بیان میں رابطہ کمیٹی نے کہاکہ اے آر وائی کی نیوز ٹیم کودھمکیاں دینا انتہائی قابل افسوس عمل ہے اور شرپسند عناصر کی یہ کاروائی کسی طور بھی آزاد صحافت کے زمرے میں نہیںآتی ہے ۔رابطہ کمیٹی نے کہاکہ ایم کیوایم آزاد ی صحافت پر یقین رکھتی ہے اور صحافتی اقدار اور روایت کے فروغ کیلئے اپنا ہر سطح پر کردار ادا کرتی رہی ہے ۔ رابطہ کمیٹی نے مطالبہ کیا کہ انتظامیہ اے آر وائی نیوز ٹیم کے ارکان کو دھمکیاں دینے میں ملوث شرپسند عناصر کے خلاف کارروائی عمل میں لائی جائے اور اس سلسلے میں تمام قانونی تقاضے پورے کئے جائیں ۔