سپر ہائی وے پر ٹریفک حادثہ کے نتیجے میں درجنوں افراد کے ہلاک وزخمی ہونے پر الطاف حسین کا اظہار افسوس
انسانی زندگیوں کا تحفظ حکومت کی ذمہ داری ہے، الطاف حسین
بڑھتے ہوئے ٹریفک حادثات کی روک تھام کیلئے ٹھوس او رمثبت اقدامات بروئے کار لائے جائیں
ٹریفک حادثہ کی تحقیقات کرواکر ذمہ دار عناصر کو قانو ن کے مطابق سخت سے سخت سزا دی جائے،الطاف حسین
مرحومین کی مغفرت ،سوگوارلواحقین کیلئے صبر جمیل اور زخمیوں کی جلد صحتیابی کیلئے دعا
لندن۔۔25 مارچ 2015ء
متحدہ قومی موومنٹ کے قائد جناب الطاف حسین نے خیر پور سپر ہائی وے پر ٹریفک حادثہ اور اسکے نتیجے میں درجنوں افراد کے ہلاک وزخمی ہونے پر گہرے دکھ اور افسوس کا اظہار کیا ہے اور ہلاک ہونے والے افرادکے سوگوار لواحقین سے دلی تعزیت وہمدردی کا اظہا کیا ہے ۔ اپنے ایک بیان میں جناب الطاف حسین نے ملک میں بڑھتے ہوئے ٹریفک حادثات او راسکے نتیجے میں قیمتی انسانی جانوں کے ضیائع پر گہری تشویش کا اظہا کر تے ہوئے کہاکہ انسانی زندگیوں کا تحفظ حکومت کی ذمہ داری ہے ۔انہوں نے حکومت سے مطالبہ کیا کہ ٹریفک حادثات کی روک تھام کیلئے ٹھوس او رمثبت اقدامات بروئے کار لائے جائیں تاکہ قیمتی انسانی جانوں کا تحفظ کیا جاسکے ، خیر پور ٹریفک حادثہ کی تحقیقات کروائی جائے اور ذمہ دار عناصر کو قانو ن کے مطابق سخت سے سخت سزا دی جائے ۔ جناب الطاف حسین نے مرحومین کی مغفرت ،سوگوارلواحقین کیلئے صبر جمیل اور زخمیوں کی جلد صحتیابی کیلئے بھی دعا کی ہے ۔