اے آر وائی کے پروگرام ’’کھرا سچ‘‘ میں نائن زیرو پر چھاپے کے بارے میں پیش کیا جانے والا شرانگیز مواد ایم کیوایم کے خلاف میڈیا ٹرائل کا حصہ ہے۔ رابطہ کمیٹی

کراچی۔۔۔ 23 مارچ 2015 ء

متحدہ قومی موومنٹ کی رابطہ کمیٹی نے نجی ٹی وی اے آروائی کے پروگرام’’ کھراسچ ‘‘ میں ایم کیوایم کے مرکز نائن زیروپرچھاپے کے بارے میں پیش کئے جانے والے شرانگیزاور زہرآلودموادکو ایم کیوایم کے خلاف جاری میڈیاٹرائل کاحصہ قراردیاہے۔اپنے ایک بیان میں رابطہ کمیٹی نے کہاکہ اس پروگرام میں جوبھی موادپیش کیاگیاہے اس نے خودبہت سے سوالات کوجنم دیدیاہے ۔رابطہ کمیٹی نے کہاکہ یہ پروگرام سراسرجھوٹ کاپلندہ ہے جس کاسب سے بڑاثبوت یہ ہے کہ ایم کیوایم کے رہنماعامرخان جوکہ خود سرکاری حراست میں ہیں انکے نام سے منسوب کرکے ایک خودساختہ بیان بھی اس پروگرام میں پیش کیاگیاہے۔رابطہ کمیٹی نے کہاکہ اگراس پروگرام میں پیش جانیوالامواداگرسچاہے تو عدالت میں پیش کرنے کے بجائے ٹی وی میں پیش کیوں کیاجارہاہے اورایم کیوایم کا میڈیاٹرائل کیوں کیا جارہا ہے؟رابطہ کمیٹی نے کہاکہ اس پروگرام میں قائدتحریک الطاف حسین، سینیٹر بابرغوری،حیدررضوی اور دیگر رہنماؤں کے بارے میں بھی جوجھوٹ پیش کیاگیا ہے اوربیہودہ اوربے بنیادالزامات لگائے گئے ہیں وہ جھوٹ کاپلندہ ہیں۔ ایم کیوایم اس پروگروام میں عائد کئے گئے تمام بیہودہ اورشرانگیزالزامات کی شدیدمذمت کرتی ہے اوراسے یکسرمستردکرتی ہے ۔ رابطہ کمیٹی نے کہاکہ ایم کیوایم میڈیاٹرائل کی غرض سے پیش کئے گئے اس پروگرام پر بھرپور قانونی چارہ جوئی کرے گی۔