حق پرست ارکان قومی وصوبائی اسمبلی پرمشتمل وفدنے عباسی شہیداسپتال جاکرنارتھ ناظم آبادمیں رینجرز موبائل پرخودکش حملے کی زخمیوں کی عیادت کی اورجائے وقوعہ کادورہ کیا

کراچی:۔۔۔20،مارچ2015ء

متحدہ قومی موومنٹ کے حق پرست ارکان قومی وصوبائی اسمبلی ریحان ہاشمی اورجمال احمد،ندیم راضی ،ریحان ظفراوروسیم قریشی پرمشتمل نے کراچی کے علاقے نارتھ ناظم آبادبلاک جے میں رینجرزکی موبائل پرخودکش بم حملے کی شدیدالفاظ میں مذمت کی ہے اورعباسی شہید اسپتال جاکردھماکے کے زخمیوں کی عیادت اورقائدتحریک الطا ف حسین کی جانب سے ان کی خیریت دریافت کی۔اس موقع پر انہوں نے زخمیوں سے اظہاریکجہتی کرتے ہوئے انہیں علاج ومعالجے کی سہولیات کاجائزہ لیااوران کی جلدومکمل صحت یابی کے لئے دعابھی کی ۔قبل ازیں ارکان اسمبلی نے قائد جناب الطاف حسین کی ہدایت پرنارتھ ناظم آبادبلاک جے میں جائے وقوعہ کادورہ کیااور واقعے تفصیلات معلوم کیں۔اس موقع پرانہوں نے امدادی کاموں کوتیزی سے جاری رکھنے کے لئے اپنی نگرانی میں جائے وقوعہ پرلائٹس اوردیگرکاانتظامات کروائے۔