سندھ اسمبلی میں ایم کیوایم کے سینئررکن اورسابق صوبائی وزیرفیصل سبزواری کے چچا استحکام سبزواری انتقال کرگئے

کراچی ۔۔۔ 18 مارچ 2105 ء

سندھ اسمبلی میں ایم کیوایم کے سینئررکن اورسابق صوبائی وزیرفیصل سبزواری کے چچا استحکام سبزواری انتقال کرگئے۔ وہ گزشتہ کئی روز سے علیل تھے اورمقامی اسپتال میں زیرعلاج تھے۔مرحوم کی عمر62سال تھی۔ استحکام سبزاوری مرحو م کوگزشتہ روزپاپوشنگر قبرستان میں سپردخاک کردیا گیا۔مرحوم کے جنازے میں ایم کیوایم کی رابطہ کمیٹی کے ارکان عبدالحسیب، حیدررضوی، ایم کیوایم کے دیگرشعبوں کے ذمہ داران وکارکنان اورلوگوں کی بڑی تعدادنے شرکت کی ۔ رابطہ کمیٹی کے ارکان نے فیصل سبزواری سے انکے چچاکے انتقال پر تعزیت کی اور مرحوم کیلئے دعائے مغفرت کی ۔ 

دریں اثناء متحدہ قومی موومنٹ کے قائدجناب الطاف حسین نے فیصل سبزواری کے چچا استحکام سبزواری کے انتقال پر دلی افسوس اور گہرے رنج وغم کااظہارکیاہے ۔ انہوں نے دعاکی کہ اللہ تعالیٰ استحکام سبزواری کواپنی جواررحمت میں جگہ دے اورلواحقین کوصبرجمیل عطا کرے ۔