ایم کیوایم کا 31 واں یوم تاسیس 18 مارچ 2015ء بروز بدھ پاکستان سمیت دنیا بھر میں روایتی جوش و خروش سے منایا جائے گا
جناب الطاف حسین لندن سے یوم تاسیس کے اجتماعات سے تاریخی اور فکر انگیز خطاب کریں گے
ملک بھر اور دنیا کے بیشتر ممالک میں یوم تاسیس اجتماعات منعقد ہوں گے
یوم تاسیس کے بڑے اجتماعات پشاور، کوئٹہ، راولپنڈی، لاہور، ملتان، سکھر، حیدرآباد جبکہ مرکزی اجتماع جناح گراؤنڈ عزیز آباد میں دوپہر 2بجے منعقد ہوگا
جناح گراؤنڈ عزیز آباد میں یوم تاسیس کے مرکزی اجتماع کی تیاریوں اور انتظامات کا سلسلہ جاری ہے
یوم تاسیس کے سلسلے میں پاکستان سمیت دنیا بھر میں ایم کیوایم کے کارکنان و حق پرست عوام میں زبردست جوش و خروش پایاجارہا ہے
کراچی ۔۔۔17، مارچ2015ء
ایم کیوایم کا31واں یوم تاسیس 18مارچ2015ء بروز بدھ پاکستان سمیت دنیا بھر میں روایتی جوش و خروش سے منایا جائے گا ۔ یوم تاسیس کے موقع پر ملک بھر اور دنیا کے بیشتر ممالک میں اجتماعات منعقد ہوں گے ۔ یوم تاسیس کے بڑے اجتماعات پشاور ، کوئٹہ ، راولپنڈی ، لاہور ، ملتان ، سکھر ، حیدرآباد جبکہ مرکزی اجتماع جناح گراؤنڈ عزیز آباد میں دوپہر 2بجے منعقد ہوگا ۔یوم تاسیس کے اجتماعات سے متحدہ قومی موومنٹ کے بانی و قائد جناب الطاف حسین لندن سے تاریخی اور فکر انگیز ٹیلی فونک خطاب کریں گے ۔ایم کیوایم کے 31ویں یوم تاسیس کے سلسلے میں پاکستان سمیت دنیا بھر میں ایم کیوایم کے کارکنان و حق پرست عوام میں زبردست جوش و خروش پایاجارہا ہے ۔یوم تاسیس کے مرکزی اجتماع کے سلسلے میں جناح گراؤنڈ عزیز آباد میں انتظامات اور تیاریوں کا سلسلی جاری ہے جو اپنے آخری مراحل میں داخل ہوچکا ہے ۔