پاکستان کی شاندارکامیابی پرالطاف حسین کی پاکستان ٹیم ،آفیشلزاورپوری قوم کوزبردست مبارکباد

لندن۔۔۔15، مارچ2015ء 

متحدہ قومی موومنٹ کے قائد جناب الطا ف حسین نے کرکٹ ورلڈکپ میں پاکستان کی شاندارکامیابی پر پاکستان ٹیم کے تمام کھلاڑیوں ،آفیشلزاورپوری قوم کوزبردست مبارکبادپیش کی ہے ۔ اپنے ایک بیان میں جناب الطا ف حسین نے کہاکہ آج کے اس اہم میچ میں پاکستان ٹیم کے باؤلرز، بیٹسمینوں اورتمام کھلاڑیوں نے شاندارکھیل کامظاہرہ کیاجس پر وہ زبردست خراج تحسین کے مستحق ہیں۔ جناب الطاف حسین نے کہاکہ پاکستانی ٹیم نے آج جس طرح ٹیم ورک کامظاہرہ کیاہے اگرآئندہ مقابلوں میں بھی اسی طرح ٹیم ورک کامظاہرہ کیاتوانشاء اللہ پاکستان ٹیم مستقبل میں ہونے والے تمام مقابلوں میں بھی کامیابی سے ہمکنارہوگی۔ انہوں نے دعاکی کہ اللہ تعالیٰ پاکستان کو ورلڈکپ میں فتح وکامرانی سے ہمکنارفرمائے ۔ جناب الطاف حسین نے پاکستانی عوام سے کہاکہ وہ قومی ٹیم کی فتح کا جشن مناتے وقت یہ ذہن میں ضرور رکھیں کہ آج صبح ہی دہشت گردوں نے مسیحی برادری کی دو عبادت گاہوں کو نشانہ بنایا ہے جس کے نتیجے میں ایک درجن سے زائد بے گناہ مسیحی افراد جاں بحق ہوگئے ہیں ، ہمیں چاہیے کہ ہم ان بے گناہ مسیحی برادری کے دکھ کو سامنے رکھیں اور اپنی دعاؤں میں انہیں بھی شریک رکھیں۔