پرامن مسیحی برادری کی عبادت گاہوں پر خودکش دھماکے ملکی وقار پر بدنما داغ کے مترادف ہیں، رشیدگوڈیل
قومی سیکوریٹی کے ذمہ داراداروں کو ملک کی محب وطن جماعت ایم کیوایم کو کچلنے پر لگادیا گیا ہے، رشید گوڈیل
دہشت گردوں کو بے گناہ افراد خصوصاً اقلیتی برادری کو نشانہ بنانے کی کھلی چھوٹ ملی ہوئی ہے ،رشیدگوڈیل
مسیحی برادری کو انصاف وتحفظ دلانے کیلئے ایم کیوایم ہرسطح پر اپنا کردار ادا کرتی رہے گی، رشیدگوڈیل
کراچی۔۔۔ 15، مارچ 2015ء
قومی اسمبلی میں متحدہ قومی موومنٹ کے پارلیمانی لیڈر رشید گوڈیل نے لاہور میں مسیحی برادری کی دوعبادت گاہوں پر خود کش دھماکوں کی شدید الفاظ میں مذمت کرتے ہوئے حکومت سے مطالبہ کیا ہے کہ وہ ملک کی اقلیتوں کو جان ومال کاتحفظ فراہم کرے۔ رشید گوڈیل نے کہاکہ ملک کی پرامن مسیحی برادری کی عبادت گاہوں پر ہونے والے یہ المناک خودکش دھماکے ملکی وقار پر بدنما داغ کے مترادف ہیں۔ قومی سیکوریٹی کے ذمہ داراداروں کو ملک کی محب وطن جماعت ایم کیوایم کو کچلنے پر لگادیا گیا ہے جبکہ دہشت گردوں کو بے گناہ افراد خصوصاً اقلیتی برادری کو نشانہ بنانے کی کھلی چھوٹ ملی ہوئی ہے ۔ رشید گوڈیل نے خودکش دھماکوں میں ہونے والے جانی ومالی نقصانات پر گہرے دکھ کا اظہار کرتے ہوئے کہاکہ ایم کیوایم کا ایک ایک کارکن مسیحی برادری کے غم میں برابر کا شریک ہے اور مسیحی برادری کو انصاف وتحفظ دلانے کیلئے ایم کیوایم ہرسطح پر اپنا کردار ادا کرتی رہے گی ۔