ایم کیوایم رابطہ کمیٹی اور حق پرست ارکان اسمبلی کی اورنگی ٹاؤن بم دھماکے میں زخمی کارکنان کی عیادت

کراچی ۔۔۔15مارچ2015ء 

متحدہ قومی موومنٹ کی رابطہ کمیٹی کے رکن عبد الحسیب ، حق پرست ارکان اسمبلی محمد حسین ، ریحان ظفر اور مظاہر امیر نے اورنگی ٹاؤن میں ہونیوالے بم دھماکے کے نتیجے میں زخمی ہونیوالے ایم کیو ایم الیکشن سیل کے رکن محمد اسرائیل اور دیگر کارکنان کی مقامی اسپتالوں میں عیادت کی۔اس موقع پر رکن رابطہ کمیٹی اور ارکان اسمبلی نے زخمی کارکنان کو جناب الطاف حسین کی جانب سے ہمدردی کا پیغام پہنچایا اور انکے اہل خانہ سے ملاقات کرکے واقعہ پر افسوس کا اظہار کیا ۔اس موقع پر انہوں نے اسپتال میں موجود ڈاکٹرز و دیگر طبی عملے کو ہدایت کی کہ وہ زخمی کارکنان کو علاج و معالجے میں بہترین سہولیات کی فراہمی ممکن بنائیں۔