لندن میں قائد تحریک جناب الطاف حسین کے والد نذیرحسین مرحوم کی برسی عقیدت واحترام سے منائی گئی

لندن :۔۔۔13، مارچ2015ء

متحدہ قومی موومنٹ کے قائد جناب الطاف حسین کے والد نذیرحسین مرحوم کی 48 ویں برسی لندن میں بھی عقیدت واحترام سے منائی گئی اور مرحوم کے ایصال ثواب کیلئے فاتحہ خوانی کی گئی۔ برسی کے سلسلے میں ایم کیوایم انٹرنیشنل سیکریٹریٹ لندن میں تعزیتی اجتماع ہوا جس میں ایم کیوایم کی رابطہ کمیٹی ، ایم کیو ایم انٹرنیشنل سیکریٹریٹ ، شعبہ خواتین کی ارکان اور ایم کیوایم یوکے یونٹ کے ذمہ داران وکارکنان نے شرکت کی ۔ اس موقع پر قائد تحریک جناب الطاف حسین کے والد محترم نذیرحسین مرحوم کے ایصال ثواب کیلئے فاتحہ خوانی کی گئی اور مرحوم کے بلند درجات اور سوگوارلواحقین کیلئے صبرجمیل کی دعائیں کی گئیں۔