نائن زیروکوئی نوگوایریانہیں ہے اوراس بارے میں ڈی جی رینجرز کابیان جھوٹ پر مبنی ہے۔الطاف حسین
نائن زیرو کے اطراف ہزاروں مکانات ہیں،ہرگھرمیں الگ خاندان رہتاہے ایسے علاقے کو نوگوایریانہیں بنایا جاسکتا
کورکمانڈرکراچی کایہ بیان بھی حقائق پرمبنی نہیں کہ کراچی میں آپریشن غیرجانبدارانہ اورایماندارانہ طریقے سے جاری ہے
اگرآپکی 68 سالہ بیوہ بہن کے گھرپر درجنوں پولیس والے چھاپے مارتے توآپکے دل پرکیاگزرتی؟الطاف حسین
یہ میراآپ سے سوال ہے اورمیں آپ کے جواب کامنتظررہوں گا۔الطاف حسین
لندن ۔۔۔ 12 مارچ 2015ء
متحدہ قومی موومنٹ کے قائدجناب الطاف حسین نے کہاہے کہ نائن زیروکوئی نوگوایریانہیں ہے اوراس بارے میں ڈی جی رینجرز کابیان جھوٹ پر مبنی ہے۔ اپنے ایک بیان میں انہوں نے کہاکہ نائن زیروکونوگوایریابنایاہی نہیں جاسکتا کیونکہ نائن زیرو کے اطراف ہزاروں مکانات ہیں اوریہ سب 120گزکے مکانات ہیں اورہرگھرمیں الگ خاندان رہتاہے اورایسے علاقے کومکمل طورپر نوگوایریانہیں بنایا جاسکتا۔ انہوں نے کہاکہ کورکمانڈرکراچی کایہ بیان بھی حقائق پرمبنی نہیں کہ کراچی میں آپریشن غیرجانبدارانہ اورایماندارانہ طریقے سے جاری ہے۔ انہوں نے کورکمانڈرسے سوال کیاکہ اگرآپ کی 68 سالہ بیوہ بہن جس کاسیاست سے کوئی تعلق نہیں اگراس کے گھرپر درجنوں پولیس والے چھاپے مارتے توآپ کے دل پرکیاگزرتی۔ یہ میراآپ سے سوال ہے اورمیں آپ کے جواب کامنتظررہوں گا۔