ایم کیوا یم کے ارکان اسمبلی مزمل قریشی اور سید فیصل سبزواری کی ابوالحسن اصفہانی روڈ پر صفائی و شجر کاری مہم میں شرکت

کراچی۔۔۔ 10مارچ2015ء

متحدہ قومی موومنٹ کے قائد جنا ب الطاف حسین کی خصوصی ہد ایت پرشہر بھر میں جا ری صفا ئی مہم کے سلسلہ میں حق پر ست رکن قومی اسمبلی مزمل قریشی اور حق پرست رکن سندھ اسمبلی نے ابوالحسن اصفہانی روڈ سے متصل علاقے میں صفائی مہم میں حصہ لیا اور شجرکاری کا آغاز کیا۔اس موقع پر میڈیا نمائندگان سے گفتگو کرتے ہوئے سید فیصل علی سبزواری نے کہا کہ حق پرست ارکا ن اسمبلی ضلعی انتظامیہ او ربلدیاتی اداروں کے ساتھ مل کر شہر میں بلدیاتی اداروں کی عدم موجودگی کی کمی پوری کر رہے ہیں۔انہوں نے کہا کہ ایم کیوا یم عوام کے بنیادی مسائل حل کرنا چاہتی ہے اور ہماری کوشش ہے کہ ہم عوام کے بنیادی مسائل کو حکومتی سطح پر اُٹھا کر عوام کو ریلیف فراہم کریں۔ مزمل قریشی نے کہا کہ اسکیم 33کے علاقہ حکومتی توجہ کا منتظر ہے اور یہاں صفائی کے فقدان کے ساتھ ساتھ دیگر مسائل بھی موجود ہیں لیکن حق پرست نمائندے علاقے کی عوام کے ساتھ مسائل حل کریں گے اور علاقے کو ہرا بھر ہ بنائیں گے ۔اس موقع پر ڈپٹی کمشنر ، میونسپل کمشنر اور دیگر افراد بھی بھی انکے ہمراہ تھے۔اس موقع پر حق پرست ارکان اسمبلی نے وہا ں موجود عوام کے مسائل بھی سنے اور انہیں حل کرنے کیلئے اپنے ہر ممکن تعاون کی یقین دہانی کروائی۔