حق پرست ارکان اسمبلی مزمل قریشی اور فیصل سبزواری کا میٹروول اسکیم 33میں زیر تعمیر اسپتال کا دورہ

کراچی۔۔۔۔9مارچ2015ء

متحدہ قومی موومنٹ کے قائد جناب الطاف حسین کی خصوصی ہدایت پر حق پرست رکن قومی اسمبلی مزمل قریشی اور حق پرست رکن صوبائی اسمبلی سید فیصل علی سبزواری نے میٹروول اسکیم 33میں واقع 50بستروں کے زیر تعمیر اسپتال کا دورہ کیا اور وہاں لینڈ مافیا کی جانب سے قبضے کے سبب تعمیراتی کاموں کے التوا ء کی وجوہات معلوم کرنے کے بعد انتظامیہ کو اسپتال کی فوری تعمیر کی ہدایت کی ۔ اس موقع پر EDOہیلتھ ڈاکٹر ظفر ، میونسپل کمشنر KMCمسعود عالم ویگر حکام بھی انکے ہمراہ تھے ۔ حق پرست ارکا ن اسمبلی نے میونسپل کمشنر کو ہدایت کی کہ وہ اسپتال کے مین سڑک سے فوری رابطے کیلئے سڑک تعمیر کروائیں تاکہ فوری اور آسان طبی امدادکی ضرورت کے وقت کم سے کم وقت میں اسپتا ل آمد ممکن بنائی جاسکے او ر اسپتال آنیوالے مریضوں اور انکے اہل خانہ کو دشواری کا سامنا نہ کرنا پڑے ۔