سابق صدر آصف علی زرداری کی ایم کیوایم کے قائد الطاف حسین سے فون پر گفتگو

لندن۔۔۔ 8 مارچ 2015 ء

سابق صدرمملکت اور پاکستان پیپلزپارٹی کے شریک چیئرمین جناب آصف علی زرداری نے اتوارکی شب ایم کیوایم کے قائدجناب الطاف حسین سے فون پر گفتگو کی اور ان سے سینیٹ الیکشن ، پاکستان کی سیاسی صورتحال اورباہمی دلچسپی کے دیگر امورپر تفصیلی تبادلہ ء خیال کیا۔ اس موقع پرگفتگوکرتے ہوئے جناب آصف علی زرداری نے کہاکہ پاکستان کے موجودہ حالات اس بات کاتقاضہ کرتے ہیں کہ مفاہمت کی سیاست اور اتحاد ویکجہتی کی فضاء کوفروغ دیاجائے۔ جناب الطاف حسین نے ان کی اس بات سے اتفاق کرتے ہوئے کہاکہ پاکستان سب کا ہے اوریہ تمام سیاسی جماعتوں کاحق ہے کہ ان کے مینڈیٹ کااحترام کیاجائے اور اگر وہ میرٹ پر پورے اترتے ہوں تو انہیں انتظام حکومت اوراقتدارحکومت میں ان کاحصہ دیاجائے تاکہ وہ اپنے عوام کی خدمت کرسکیں۔ جناب الطاف حسین نے کہاکہ تضادات عین جمہوری عمل کاحصہ ہیں تاہم یہ ضروری ہے کہ ’’ جیواورجینے دو ‘‘ کے اصو ل کے تحت آگے کے معاملات طے کئے جائیں۔ دونوں رہنماؤں کے درمیان دیگراہم امور پر بھی تفصیلی تبادلہ خیال ہوا۔ 
وڈیو