ضلع مردان کے عوام اور کارکنان کا سینیٹ انتخابات میں میاں عتیق اور بیرسٹر محمد علی سیف کے انتخاب کا خیرمقدم
جناب الطاف حسین نے دنیا کوایک مرتبہ پھر دکھا دیا کہ ایم کیوا یم ملک کے ہر مظلو م اور محروم افرادکی جماعت ہے
عوام کی جانب سے انٹرنیشنل سیکریٹریٹ اورنائن زیروپرموصول ہونے والے پیغامات
مردان ۔۔۔8مارچ2015ء
خیبر پختونخوا کے ضلع مردان کے عوام اور کارکنان نے جناب الطاف حسین کی جانب سے سینیٹ انتخابات 2015ء میں بیرسٹر محمد علی سیف او ر صوبہ پنجاب سے تعلق رکھنے والے میاں عتیق کو نامزد کئے جانے پر جناب الطاف حسین کا شکریہ ادا کیا ہے ۔انٹرنیشنل سیکریٹریٹ لندن اورنائن زیروعزیزآبادمیں عوام کی جانب سے بھیجے جانے والے پیغامات میں انہوں نے کہا ہے کہ متحدہ قومی موومنٹ ہی ملک کی واحد جماعت ہے جس میں ملک کے تمام علاقوں اور زبانوں سے تعلق رکھنے والے افرادشامل ہیں اور سینیٹ انتخابات میں پختون اور پنجابی پاکستانیوں کو منتخب کرکے جناب الطاف حسین نے دنیا کو دکھا دیا ہے کہ ایم کیوا یم صرف اُردو بولنے والوں کی نہیں بلکہ ملک کے ہر مظلوم، پسے ہوئے اور محروم طبقے کی جماعت ہے