چیئرمین سینیٹ اور ڈپٹی چیئرمین کے انتخابات کیلئے اورتمام سیاسی جماعتوں سے بات چیت کیلئے جناب الطاف حسین نے رابطہ کمیٹی کی جانب سے تشکیل دی جانے والی کمیٹی کے ناموں کی منظوری دیدی
کمیٹی کے اراکین میں ڈاکٹر خالد مقبول صدیقی ، رؤف صدیقی ، ڈاکٹر فاروق ستار ، کنور نوید جمیل اور بابر غور ی شامل ہیں
قانونی و آئینی معاملات میں مشاورت کیلئے کمیٹی میں سینیٹر بیرسٹر فروغ نسیم کو خصوصی طور پر شامل کیا گیا ہے
لندن۔۔۔8، مارچ2015ء
متحدہ قومی موومنٹ کے قائد جناب الطاف حسین نے رابطہ کمیٹی کے اجلاس میں طویل بحث و مباحثہ کے بعد چیئرمین سینیٹ اور ڈپٹی چیئرمین کے انتخابات کیلئے اور تمام سیاسی جماعتوں سے بات چیت کیلئے تشکیل دی جانے والی کمیٹی کے ناموں میں منظوری دیدی ہے۔ اس کمیٹی کے اراکین میں ڈاکٹر خالد مقبول صدیقی ، رؤف صدیقی ، ڈاکٹر فاروق ستار ، کنور نوید جمیل اور بابر غور ی شامل ہیں جبکہ قانونی و آئینی معاملات میں مشاورت کیلئے اس تشکیل شدہ کمیٹی میں سینیٹر بیرسٹر فروغ نسیم کو خصوصی طور پر شامل کیا گیا ہے