ایم کیوایم کے قائد الطاف حسین کی صاحبزادی افضاء الطاف کی تیرہویں سالگرہ کے سلسلے میں ایم کیوایم انٹرنیشنل سیکریٹریٹ میں ایک سادہ سی تقریب منعقد کی گئی

لندن۔۔۔ 7 مارچ 2015 ء

متحدہ قومی موومنٹ کے قائدجناب الطاف حسین کی صاحبزادی افضاء الطاف کی تیرہویں سالگرہ کے سلسلے میں لندن میں ایم کیوایم انٹرنیشنل سیکریٹریٹ میں ایک سادہ سی تقریب منعقد کی گئی جس میں رابطہ کمیٹی کے ارکان کے ساتھ ساتھ انٹرنیشنل سیکریٹریٹ کے ارکان ، ایم کیوایم یوکے کے ذمہ داران اوران کے اہل خانہ نے شرکت کی ۔ ایم کیوایم کے قائد جناب الطاف حسین اپنی صاحبزادی کے ہمراہ انٹرنیشنل سیکریٹریٹ پہنچے تو وہاں موجوداراکین رابطہ کمیٹی،کارکنوں ،خواتین اوربچوں نے زوردارنعروں اورتالیوں سے ان کاشاندار استقبال کیا۔جناب الطاف حسین نے ہاتھ ہلا کر ان کے نعروں کاجواب دیا۔وہ حاظرین میں گھل مل گئے اورسب کی خیریت دریافت کی۔اس موقع پر افضاء الطاف کی سالگرہ کاکیک کاٹا گیا ۔ تمام حاظرین نے فرداًفرداً جناب الطاف حسین سے ملکرانہیں اوران کی صاحبزادی افضاء کوسالگرہ کی مبارکباد پیش کی۔ جناب الطاف حسین نہایت خوشگوارموڈ میں تھے۔انہوں نے بچوں میں تحائف بھی پیش کئے ۔ انٹرنیشنل سیکریٹریٹ میں جشن کاسماں تھا ۔ ایم کیوایم کے کارکنوں،بچوں اوربچیوں نے تنظیمی نغموں پر ر قص کیااور زوردارنعرے لگاکرجناب الطاف حسین سے اپنی محبت اوراپنے جوش وخروش کا اظہار کیا ۔ جناب الطاف حسین نے رات گئے تک انٹرنیشنل سیکریٹریٹ میں قیام کیا۔انہوں نے کارکنوں اوردیگرحاظرین کے ساتھ ملکر پاکستان اورساؤتھ افریقہ کے درمیان ہونے والا کرکٹ ورلڈکپ کااہم میچ بھی ٹی وی پر دیکھااور پاکستانی کھلاڑیوں کی حوصلہ افزائی کی ۔