حق پرست اراکین اسمبلی ریحان ہاشمی اور جمال احمد کا قومی کرکٹ ٹیم کے وکٹ کیپر سرفراز احمد کی رہائشگاہ پر انکے اہلِ خانہ سے ملاقات
شاندار کارکردگی کا مظاہرہ کرنے پر جناب الطاف حسین کی جانب سے مبارکباد اور نیک خواہشات کا اظہار
سرفراز احمد نے بہترین کارکردگی کے ذریعے اہلیانِ نارتھ ناظم آباد اور پورے پاکستان کا سرفخر سے بلند کردیا،ریحان ہاشمی ،جمال احمد
کراچی۔۔۔7مارچ2015ء
متحدہ قومی موومنٹ کے حق پرست رکن قومی اسمبلی ریحان ہاشمی اور رکن سندھ اسمبلی جمال احمد نے کرکٹ ورلڈکپ کے اہم میچ میں ساؤتھ افریقہ کے خلاف شاندار کارکردگی کا اظہار کرنے پر قومی کرکٹ ٹیم کے وکٹ کیپر اور نارتھ ناظم آباد کے رہائشی سرفراز احمد کی رہائشگاہ جاکر انکے اہلِ خانہ سے ملاقات کی اور قائد تحریک جناب الطاف حسین کی جانب سے مبارکباد اور نیک خواہشات کا اظہار کیا۔حق پرست اراکین اسمبلی نے سرفراز احمد کی والدہ اور انکی بہنوں سے گفتگو میں کہا کہ آج سرفراز احمد نے بہترین کارکردگی کا مظاہرہ کر کے اہلیانِ نارتھ ناظم آباد سمیت پورے پاکستان کا سرفخر سے بلند کردیا ہے ،ہم اللہ تعالیٰ سے دعا کرتے ہیں کہ سرفراز احمد سمیت پوری پاکستانی ٹیم بہتر کھیل کا مظاہرہ کرکے آئی سی سی ورلڈ کپ پاکستانی عوام کے نام کرے اور قوم کا سر فخر سے بلند کردیں۔