ایم کیوا یم رابطہ کمیٹی کامسلم لیگ( ن) کی لیڈیز ونگ سند ھ کی جنرل سیکریٹری راحیلہ شر کی وفد کے ہمراہ ایم کیوایم میں شمولیت کا خیر مقدم

گھوٹکی ۔۔۔6فروری 2015ء

متحدہ قومی موومنٹ کی رابطہ کمیٹی نے مسلم لیگ( ن) کی لیڈیز ونگ سند ھ کی جنرل سیکریٹری راحیلہ شر اور ان کے شوہرو سندھ ترقی پسند پارٹی کے سابق صوبائی عہدار شبیر احمدشراور حبیب اللہ سمیجو کی ایم کیوایم میں شمولیت پرانہیں دل کی گہرائیوں سے مبارکباد پیش کی ہے ۔ ایک بیان میں رابطہ کمیٹی نے شمولیت اختیار کرنے والوں کوجناب الطاف حسین کی جانب سے خوش آمدید کہا اور کارکن کی حیثیت سے کام کرنے کے اعلان کا خیر مقد م کر تے ہوئے ان کی شمولیت کوخوش آئندقراردیا ہے۔رابطہ کمیٹی نے کہا کہ ایم کیوایم ایک تحریک نہیں بلکہ ایک نظریہ ہے جو کہ ملک کے گوشے گوشے میں بہت تیزی سے پھیل رہاہے اور انشااللہ غریب متوسط طبقے سے تعلق رکھنے والے افراد ایم کیوایم میں شامل ہو کر ملک سے وڈیرانہ ، جاگیردارانہ نظام کا خاتمہ کرکے ملک کی ترقی کیلئے اہم کردار اداکریں گے۔