سینیٹ کے الیکشن میں ایم کیوایم اور پیپلزپارٹی کے امیدواروں کی کامیابی پرالطاف حسین کی مبارکباد
پیپلزپارٹی کے کوچیئرمین آصف علی زرداری، پیپلزپارٹی کے رہنماؤں اوردونوں جماعتوں کے نومنتخب سینیٹرزکومبارکباد
ایم کیوایم اور پیپلزپارٹی کی جانب سے یکجہتی کامظاہرہ سندھ کی ترقی وخوشحالی اورصوبے کے عوام کی فلاح وبہبود کیلئے اہم سنگ میل ثابت ہوگا،الطاف حسین
انشاء اللہ پیپلزپارٹی اور ایم کیوایم کے درمیان ورکنگ ریلیشن شپ فروغ پائے گی، الطاف حسین
نومنتخب ارکان سینیٹ ایوان بالا میں پاکستان کی ترقی وخوشحالی ، جمہوریت کے فروغ اورقوم کودرپیش مسائل کے حل کیلئے اپنا بھرپورکردار ادا کریں گے، الطاف حسین
لندن۔۔۔5، مارچ 2015ء
متحدہ قومی موومنٹ کے قائد جناب الطاف حسین نے سندھ میں سینیٹ کے الیکشن میں ایم کیوایم اور پیپلزپارٹی کے امیدواروں کی کامیابی پر پیپلزپارٹی کے کوچیئرمین آصف علی زرداری، پیپلزپارٹی کے رہنماؤں اوردونوں جماعتوں کے نومنتخب سینیٹرزکو دلی مبارکباد پیش کی ہے ۔ ایک بیان میں جناب الطاف حسین نے کہاکہ سینیٹ کے انتخابات میں ایم کیوایم اور پیپلزپارٹی کی جانب سے جس طرح یکجہتی کامظاہرہ کیا گیا وہ صوبہ سندھ کی ترقی وخوشحالی اورصوبے کے عوام کی فلاح وبہبود کیلئے اہم سنگ میل ثابت ہوگا، انشاء اللہ پیپلزپارٹی اور ایم کیوایم کے درمیان ورکنگ ریلیشن شپ فروغ پائے گی اورسندھ کے عوام کے بنیادی مسائل بلاامتیاز وتفریق حل کرنے کیلئے مدد ملے گی ۔ جناب الطاف حسین نے امید ظاہر کی کہ پیپلزپارٹی اور ایم کیوایم کے نومنتخب ارکان سینیٹ ایوان بالا میں پاکستان کی ترقی وخوشحالی ، جمہوریت کے فروغ اورقوم کودرپیش مسائل کے حل کیلئے اپنا بھرپورکردار ادا کریں گے ۔