ایم کیوایم کورنگی سیکٹر کے کارکن ثاقب اور ملیر سیکٹر کے کارکن سید عمران عباس رضوی کو آہوں اور سسکیوں میں سپردخاک کردیا گیا
نماز جنازہ و تدفین میں ایم کیو ایم رابطہ کمیٹی کے ارکان عبد الحسیب ، عارف خان ایڈوکیٹ سمیت حق پرست اراکین اسمبلی کی شرکت
کراچی۔۔۔2مارچ2015ء
مسلح دہشت گردوں کی فائرنگ سے شہید ہونے والے ایم کیو ایم کورنگی سیکٹر یونٹ75کے کارکن ثاقب کو چکرا گوٹھ قبرستان اور ملیر سیکٹر یونٹ 101کے کارکن سید عمران عباس رضوی ماڈل کالونی قبرستان کو آہوں اور سسکیوں کے درمیان سپردخاک کردیا گیا ۔ نماز جنازہ میں ایم کیوایم رابطہ کمیٹی کے ارکان عبد الحسیب اور عارف خان ایڈوکیٹ ،حق پرست اراکین اسمبلی،سیکٹرز و یونٹ کے ذمہ داران ،کارکنان شہیدوں کے اہلِ خانہ سمیت اہل علاقہ کی بڑی تعداد موجود تھی جو شہیدوں کے بلند درجات اور مغفرت کیلئے دعائیں کرتے رہے۔کورنگی سیکٹر کے کارکن ثاقب کی نماز جنازہ کورنگی نمبر 1نورانی مسجد میں ادا کی گئی اور تدفین چکراگوٹھ قبرستان میں کی گئی جبکہ ملیر سیکٹر کے کارکن سید عمران عباس رضوی کی نمازجنازہ بی ایریا حسینی مسجد میں ادا کی گئی اور تدفین ماڈل کالونی قبرستان میں کی گئی۔نمازِ جنازہ سے قبل ایم کیوایم رابطہ کمیٹی کے ارکان اور حق پرست اراکین اسمبلی نے شہداء کے لواحقین سے فرداً فرداً ملاقاتیں کرکے جناب الطاف حسین کی جانب سے دلی تعزیت اور ہمدردی کا اظہار کیا اور شہیدوں کی مغفرت کیلئے اللہ تعالیٰ کے حضور دعاکی۔