پیپلزپارٹی کے رہنما سینیٹر رحمن ملک کی ایم کیوایم کے قائدالطاف حسین سے فون پر گفتگو، سیاسی حالات اور ملک کی مجموعی صورتحال پر تبادلہ خیال
سینیٹ کے الیکشن کے موقع پر ہارس ٹریڈنگ کی روک تھام کے لئے اقدامات ہونے چاہئیں، دونوں رہنماؤں میں اتفاق
ملک نازک صورتحال اور چیلنجز سے دوچار ہے، ایسے میں قومی اتفاق رائے اور یکجہتی کی اشد ضرورت ہے۔ الطاف حسین
لندن۔۔۔ 27 فروری2015ء
پیپلزپارٹی کے رہنمااورسابق وفاقی وزیرداخلہ سینیٹر رحمن ملک نے ایم کیوایم کے قائدالطاف حسین سے فون پر گفتگوکی اوران سے ملک کے سیاسی حالات اورملک کی مجموعی صورتحال پر تبادلہ خیال کیا۔دونوں رہنماؤں نے ملک کی موجودہ صورتحال پر تشویش کا اظہار کیا۔ دونوں رہنماؤں نے اس امرپر اتفاق کیاکہ سینیٹ کے الیکشن کے موقع پر ہارس ٹریڈنگ کی روک تھام کے لئے اقدامات ہونے چاہئیں کیونکہ یہ عمل قومی سیاست کے لئے کسی بھی طرح مناسب نہیں۔اس موقع پر گفتگو کرتے ہوئے جناب الطاف حسین نے کہاکہ ملک اس وقت جس قسم کی نازک صورتحال اورچیلنجز سے دوچارہے اس میں قومی اتفاق رائے اوریکجہتی کی اشد ضرورت ہے ۔
وڈیو