نبیل گبول نے اپنے نجی مسائل اورگھریلومصروفیات کی بناء پرقومی اسمبلی کے رکن کی حیثیت سے استعفیٰ دیدیاہے۔ ایم کیوایم
نبیل گبول اپنے نجی مسائل کی بناء پر رکن قومی اسمبلی کی حیثیت سے اپنے حلقہ میں عوامی مسائل کے حل کیلئے وقت نہیںدے پارہے تھے، پارٹی کی جانب سے انہیں قومی اسمبلی کی رکنیت سے مستعفی ہونے کا مشورہ دیاگیا۔ترجمان
کراچی۔۔۔ 24 فروری 2015ء
متحدہ قومی موومنٹ کے ترجمان نے اپنے ایک بیان میں کہاہے کہ رکن قومی اسمبلی جناب نبیل گبول نے اپنے نجی مسائل اورگھریلومصروفیات کی بناء پرقومی اسمبلی کے رکن کی حیثیت سے استعفیٰ دیدیاہے۔ترجمان نے کہاکہ نبیل گبول اپنے نجی مسائل کی بناء پر رکن قومی اسمبلی کی حیثیت سے کراچی میں اپنے حلقہ میں عوامی مسائل کے حل کے لئے وقت نہیں دے پارہے تھے جس کی روشنی میں پارٹی کی جانب سے انہیں قومی اسمبلی کی رکنیت سے مستعفی ہونے کا مشورہ دیاگیا۔چنانچہ آج جناب نبیل گبول نے رکن قومی اسمبلی کی حیثیت سے استعفیٰ دیدیا ۔