اسلام آباد میں مسلح دہشت گردوں کے قاتلانہ حملے میں شدید زخمی ہونے والے پمز اسپتال شعبہ امراض قلب کے سربراہ اور ممتاز و سینئر ڈاکٹر پروفیسر شاہد نواز ملک کے انتقال پرجناب الطاف حسین کااظہار افسوس

لندن۔۔۔20، فروری 2015ء 

متحدہ قومی موومنٹ کے قائد جناب الطاف حسین نے اسلام آباد میں مسلح دہشت گردوں کے قاتلانہ حملے میں شدید زخمی ہونے والے پمز اسپتال شعبہ امراض قلب کے سربراہ اور ممتاز و سینئر ڈاکٹر پروفیسر شاہد نواز ملک کے انتقال پر گہرے دکھ اور افسوس کااظہار کیا ہے ۔ایک بیان میں انہوں نے حکومت سے مطالبہ کیا کہ ڈاکٹرپروفیسر شاہدنواز ملک کے سفاکانہ قتل میں ملوث دہشت گردوں کو فی الفور گرفتار کیاجائے اور انہیں قرا رواقعی سزا دی جائے ۔ جناب الطاف حسین نے پروفیسر شاہد نواز کے سوگوار لواحقین سے دلی تعزیت وہمدردی کااظہار کرتے ہوئے کہا کہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے۔ جناب الطاف حسین نے ڈاکٹر پروفیسر شاہد نواز ملک کی شہادت پر ان کے تمام احباب ، پمز اسپتال کے تمام ڈاکٹرز ، پیرا میڈیکل اسٹاف اور پمز اسپتال کے تمام عملے سے بھی دلی تعزیت وہمدردی کااظہار کیا ہے ۔