اسلام آباد میں امام بارگاہ پر دہشت گردوں کے حملے پر ایم کیوایم کے قائدالطاف حسین کا اظہار مذمت

لندن ۔۔۔18، فروری2015ء

متحدہ قومی موومنٹ کے قائد جناب الطاف حسین نے اسلام آباد کری روڈ پر واقع امام بارگاہ پرنمازمغرب کے دوران دہشت گردوں کے حملے کی شدید الفاظ میں مذمت کی ہے اورکئی افرادکے جاں بحق اورزخمی ہونے پردلی افسوس کااظہارکیاہے۔اپنے بیان میں جناب الطاف حسین نے دہشت گردوں کے حملے کے نتیجے میں جاں بحق ہونے والے افرادکیلئے دعائے مغفرت کی اوران کے لواحقین سے دلی تعزیت کااظہارکیا۔انہوں نے دھماکے اورفائرنگ کے نتیجے میں شدید زخمی ہونے والے نمازیوں کی صحت یابی کیلئے دعا کی کہ اللہ تعالیٰ زخمیوں کو صحت کاملہ عطا فرمائے ۔ جناب الطاف حسین نے حکومت سے مطالبہ کیا کہ اسلام آباداورراولپنڈی سمیت تمام شہروں میں قائم مساجداور امام بارگاہوں سمیت تمام مذہبی عبادت گاہوں پر حفاظتی اقدامات کو مزید مؤثر کیاجائے اور عوام بھی اپنی مدد آپ کے تحت عبادت گاہوں میں چوکیداری سسٹم نافذ کریں۔ جناب الطاف حسین نے ایم کیوایم پنجاب کے صوبائی صدرمیاں عتیق ، سینٹرل ایگزیکٹوکونسل کے رکن زاہدملک اور ایم کیوایم اپرپنجاب کے صدرحاجی عتیق عباسی سمیت تمام ذمہ داروں، کارکنوں اور تمام ماؤں بہنوں سے بھی پرذور اپیل کی ہے کہ وہ جائے حادثہ پر پہنچ کر زخمیوں کی ہرممکنہ مدد کریں اور جہاں جہاں خون کے عطیات دینے کی ضرورت پیش آئے وہاں خون کے عطیات دیں۔