مجلس وحدت المسلمین کے مرکزی قائد علامہ راجہ ناصر عباس ، مرکزی سیکریٹری جنرل علامہ امین شہیدیکا ایم کیوایم کے کیمپ کا دورہ
دہشت گردی اور دہشت گردو ں کے خلاف یکساں مؤقف اور حکمت عملی وقت کی ضرورت ہے، علامہ راجہ ناصر عباس
جناب الطا ف حسین کے تہہ دل سے شکر گزار ہیں کہ ظلم کے خلاف اور مظلوموں کے حق میں آواز بلند کی ہے، علامہ راجہ ناصر عباس
کراچی ۔۔۔18، فروری 2017ء
مجلس وحدت المسلمین کے مرکزی قائد علامہ راجہ ناصر عباس ، مرکزی سیکریٹری جنرل علامہ امین شہیدی اور صدر ایم ڈبلیو ایم کراچی علی نقوی نے ایم کیوایم کے کیمپ کا دورہ کیا اوررابطہ کمیٹی کے جوائنٹ انچارج عامر خان ، رابطہ کمیٹی کے اراکین حیدر عباس رضوی ، عارف خان ایڈووکیٹ ، عبد الحسیب اور عظیم فاروقی سمیت ایم این اے سفیان یوسف ، شیخ صلاح الدین ، ایم پی اے انور رضا ، خالد بن ولایت اور افتخار عالم سے ملاقات کی ۔ملاقات میں انہوں نے کہا کہ دہشت گردی اور دہشت گردو ں کے خلاف یکساں مؤقف اور حکمت عملی وقت کی ضرورت ہے ، ہم جناب الطا ف حسین کے تہہ دل سے شکر گزار ہیں کہ انہوں نے ہمیشہ ظلم کے خلاف اور مظلوموں کے حق میں آواز بلند کی ہے ۔