خضدار اور کراچی میں بس الٹنے اور ٹریفک حادثے کے نتیجے میں خاتون سمیت متعدد افراد کے جاں بحق ہونے پر ایم کیو ایم رابطہ کمیٹی کا اظہار تعزیت

کراچی :۔۔17؍ فروری 2015ء 

متحدہ قومی موومنٹ کی رابطہ کمیٹی نے خضدار کے قریب کوچ الٹنے ، کراچی کورنگی نمبر 5پربس الٹنے اور کلفٹن برج پر ٹریفک حادثے کے نتیجے میں خاتون سمیت متعدد افرادکے جاں بحق ہونے پر افسوس کا اظہار کیا اور زخمیوں کی جلد صحتیابی کیلئے دعا کی ہے ۔ ایک تعزیتی بیان میں رابطہ کمیٹی نے مرحومین کے تمام سوگوار لواحقین سے دلی تعزیت و ہمدری کا اظہار کرتے ہوئے انہیں صبر کی تلقین کی۔ رابطہ کمیٹی نے دعا کی کہ اللہ تعالیٰ مرحومین کو اپنی جوار رحمت میں اعلیٰ مقام عطا فرمائے اور سوگوار لواحقین کو صبر جمیل عطا کرے ،۔ (آمین)علاہ ازیں کورنگی نمبر 5پر بس الٹنے کی اطلاع ملتے ہی حق پرست رکن سندھ اسمبلی شیراز احمد نے جائے حادثے پرپہنچ کر اپنی نگرانی میں زخمیوں کو جناح اسپتال منتقل کیا۔ انہوں نے زخمیوں کی عیادت کی اورحادثے میں جاں بحق ہونے والوں کے لواحقین سے تعزیت بھی کی ۔ حق پرست رکن سندھ اسمبلی شیراز احمد نے اسپتال انتظامیہ کو زخمیوں کی بہتر طبی سہولتوں کی فراہمی کیلئے ہدایت بھی کی ۔