آرمی چیف جنرل راحیل شریف کی والدہ مرحومہ کے سوئم میں ایم کیوایم رابطہ کمیٹی کے جوائنٹ انچارج ڈاکٹر خالد مقبول صدیقی اور حق پرست سینٹر بابر خان غور ی کی شرکت
ایم کیوایم کے وفد نے آرمی چیف کی والدہ محترمہ کے انتقال پر جناب الطاف حسین کا تعزیتی پیغام بھی دیا
لاہور۔۔۔15، فروری 2015ء
آرمی چیف جنرل راحیل شریف کی والدہ مرحومہ کی فاتحہ سوئم آج آرمی ہاؤس میں ہوئی جس میں مرحومہ کی روح کے ایصال ثواب کیلئے قرآن خوانی وفاتحہ خوانی کی گئی ۔ سوئم کے اجتماع میں ایم کیوایم کی رابطہ کمیٹی کے جوائنٹ انچارج خالد مقبول صدیقی ، حق پرست سینیٹر بابر خان غوری ، مسلح افواج کے افسران ، سیاسی و مذہبی جماعتوں کے رہنماؤں ، سماجی شخصیات اور مختلف شعبہ ہائے زندگی سے تعلق رکھنے والے افراد سمیت مرحومہ کے عزیز و اقارب نے کثیر تعداد میں شرکت کی ۔ ایم کیوایم کے وفد نے آرمی چیف جنرل راحیل شریف کی والدہ محترمہ کے انتقال پر جناب الطاف حسین کا تعزیتی پیغام دیا اور مرحومہ کے بلند درجات اور سوگواران کیلئے صبر جمیل کی دعا بھی کی ۔