پمزاسپتال اسلام آبادمیں مسلح شخص کی جانب سے معروف ڈاکٹرشاہدنوازکوقاتلانہ حملے میں فائرنگ کرکے شدیدزخمی کرنے پرالطاف حسین کااظہارمذمت،صحت یابی کے لئے دعا
سوچی سمجھی سازش کے تحت ملک کے نامورڈاکٹرز،پروفیسرز،انجینئرزاورپروفیشنلز کونشانہ بنایاجارہاہے
فخراسلام آباد ڈاکٹرشاہدنوازشعبہ امراض قلب کے سربراہ ہیں جن کی طب کے حوالے سے خدمات بے مثال ہیں
حق پرست عوام وکارکنان ڈاکٹرشاہدنوازکی جلدومکمل صحت یابی کے لئے اللہ تعالیٰ کے حضوردعائیں کریں،الطاف حسین کی اپیل
کراچی:۔۔۔ 14؍فرو ری 2015ء
متحدہ قومی موومنٹ کے قائدجناب الطاف حسین نے مسلح شخص کی جانب سے پمزاسپتال اسلام آبادمیں معروف ڈاکٹرشاہدنوازکوقاتلانہ حملے میں فائرنگ کرکے زخمی کرنے کی سخت ترین الفاظ میں مذمت کی ہے اوران کی جلدومکمل صحت یابی کے لئے دعاکی ہے۔ایک بیان میں جناب الطاف حسین نے کہاکہ ایک سوچی سمجھی سازش کے تحت ملک کونقصان پہنچانے کے لئےنامورڈاکٹرز،پروفیسرز،انجینئرزاورپروفیشنلز کونشانہ بنایاجارہاہے اور ڈاکٹرشاہدنوازپرقاتلانہ حملہ بھی اس سلسلے کی کڑی ہے جس کی جتنی بھی مذمت کی جائے کم ہے۔جناب الطاف حسین نے کہاکہ ڈاکٹرشاہدنوازشعبہ امراض قلب کے سربراہ ہونے کے ساتھ ساتھ فخرِ اسلام آباد بھی کہلاتے ہیں جن کی طب کے حوالے سے خدمات بے مثال ہیں۔جناب الطاف حسین نے واقعہ کی شدیدالفاظ میں مذمت کرتے ہوئے حق پرست عوام سے اپیل کی کہ وہ اللہ تعالیٰ کے حضورڈاکٹرشاہدنوازکی جلدومکمل صحت یابی کے لئے دعاکریں۔