ایم کیوایم کے وفود کی چکلالہ اور لاہور میں چیف آف آرمی اسٹاف جنرل راحیل شریف کی والدہ محترمہ کی نماز جنازہ میں شرکت

راولپنڈی۔۔۔14فروری2015ء

متحد ہ قومی موومنٹ کے وفد نے جناب الطاف حسین کی ہدایت پرجنرل راحیل شریف کی والدہ محترمہ کی نماز جنازہ میں شرکت کی ۔ایم کیوایم کے وفد میں قومی اسمبلی میں حق پرست پارلیمانی لیڈر عبدالرشید گوڈیل ، ایم کیو ایم پنجاب کے صدر میاں عتیق نے شامل تھے ۔ جبکہ لاہور میں مرحومہ کی نماز جنازہ میں ایم کیوایم رابطہ کمیٹی کے رکن و حق پرست رکن قومی اسمبلی ڈاکٹر محمد فاروق ستار اور ایم کیوایم پنجاب کے زونل اراکین نے شرکت کی اور جناب الطاف حسین کی جانب سے اظہار تعزیت کا پیغام پہنچایا ۔ 

دریں اثناء ایم کیو ایم کا وفدکل رابطہ کمیٹی کے جوائنٹ انچارج ڈاکٹر خالد مقبول صدیقی کی سربراہی میں مرحومہ کے فاتحہ سوئم میں شرکت کریگا۔ایم کیو ایم کے وفد میں حق پرست سینیٹر بابر خان غور ی اور ایم کیو ایم پنجاب کے ذمہ داران شامل ہوں گے۔