بعض اینکر ز ٹی وی ٹاک شوز میں بیٹھ کر جھوٹی الزام تراشیاں کریں گے تویہ صریحاً ایم کیو ایم سے زیادتی ہوگی ، الطاف حسین
کسی ایک آدمی کا الزام ایم کیوایم پر نہ لگایاجائے اور نہ ہی پارٹی کو مطعون کیا جائے ، الطاف حسین
حیدرآباد۔۔۔8، فروری 2015ء
متحدہ قومی موومنٹ کے قائد جناب الطاف حسین نے اخبارات ، الیکٹرانک میڈیا ، رسائل و جرائد اور ٹی وی ٹاک شوز کے اینکر پرسنز سے کہا ہے کہ کسی ایک آدمی کا الزام آپ ایم کیوایم پر نہ لگایا کریں اور نہ ہی پارٹی کو مطعون کیا کریں ۔وہ گزشتہ شب حیدرآباد میں الطاف حسین یونیورسٹی کے سنگ بنیاد کی خوشی میں باغ مصطفی گراؤنڈ میں منعقد کئے گئے وارائیٹی پروگرام کے شرکاء سے خطاب کررہے تھے ۔ انہوں نے کہا کہ میں آج کے دن تک صبر کی تلقین کررہاہوں اور کرتا رہوں گا لیکن بعض اینکر ٹی وی ٹاک شوز میں بیٹھ کر جھوٹی الزام تراشیاں کریں گے تو پھریہ صریحاً ایم کیو ایم سے زیادتی ہوگی ۔