جماعت اسلامی کے طالبان، القاعدہ، جنداللہ اورداعش سے مضبوط روابط ہیں۔محمدانور

لندن۔۔۔7 فروری 2015ء

متحدہ قومی موومنٹ کے سینئررکن اور رابطہ کمیٹی کے ممبرمحمدانورنے اپنے ایک بیان میں جماعت اسلامی پرفوری پابندی لگانے کامطالبہ کیا ہے۔انہوں نے دعویٰ کیاکہ یہ بات کسی سے ڈھکی چھپی نہیں کہ جماعت اسلامی کے طالبان، القاعدہ، جنداللہ اورداعش سے مضبوط روابط ہیں۔ ان دہشت گردتنظیموں نے جماعت اسلامی کے تعاون اورمددسے دہشت گردی کی متعددوارداتوں میں لاکھوں انسانوں کا بیدردی سے قتل عام کیاہے جس میں سویلین ہی نہیں بلکہ فوج، رینجرز، پولیس اوردیگرلاء انفورسمنٹ ایجنسیز کے افسران اورجوان بھی شامل ہیں۔محمدانورنے کہاکہ یہاں ہم قارئین کیلئے صرف چندموٹی موٹی مثالیں پیش کررہے ہیں جس کی تحقیقات ملکی وبین الاقوامی سطح پر ہرشخص خودکرسکتاہے۔ اس بیان کے ساتھ القاعدہ کے دہشت گردوں کی فہرست منسلک ہے جوجماعت اسلامی کے رہنماؤں کے گھروں سے گرفتارکئے گئے ۔ اس بیان کے ساتھ ساتھ جماعت اسلامی اوراسلامی جمعیت طلبہ کے ان دہشت گردوں کی فہرست بھی منسلک ہے
جوپاکستان کی مسلح افواج اورغیرملکی فوجوں کے ساتھ دہشت گردی کی کار روائیوں کے دوران ڈرون حملوں میں مارے گئے
وڈیو