متحدہ قومی موومنٹ کے زیر اہتمام’’الطاف حسین یونیورسٹی حیدر آباد‘‘ کا سنگ بنیاد رکھے جانے کی خوشی میں آج’’ جشن صبح نو‘‘ کے نام سے عظیم الشان جشن منایا جارہاہے۔حید رآباد کے مختلف علاقوں میں ایم کیو ایم کی جانب سے قائم استقبالیہ کیمپس پر خواتین ، بچوں ، نوجوانوں سمیت عوام کی جو ق در جو ق آمد کا سلسلہ جاری ہے ۔’’جشن صبح نو‘‘ کیلئے عظیم الشان پنڈال باغ مصطفی حیدر آباد میں تیار کیا گیا ہے ، جشن کے اجتماع سے ایم کیوایم کے قائد جناب الطاف حسین فکرانگیزخطاب کریں گے۔