روزنامہ جنگ کے سینئر ایڈیٹر اور ادارتی صفحہ کے انچارج اشتیاق علی خان کے انتقال پر الطاف حسین کااظہار افسوس
جناب الطاف حسین نے مرحوم کی ر بع صدی پر محیط صحافتی خدمات کو سراہا یا
لندن۔۔۔6، فروری 2015ء
متحدہ قومی موومنٹ کے قائد جناب الطاف حسین نے روزنامہ جنگ کراچی کے سینئر ایڈیٹر اور ادارتی صفحہ کے انچارج اشتیاق علی خان کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں انہوں نے مرحوم کی ربع صدی پر محیط صحافتی خدمات کو سراہتے ہوئے مرحوم کے سوگوار لواحقین سے دلی تعزیت وہمدردی کااظہار کرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو صبرجمیل عطاکرے (آمین)