پشاورکے نواحی علاقے پشتہ خرہ میں واقع دینی مدرسے میں کنویں کی بوسیدہ چھت منہدم ہونے سے 5طالبات کےکنویں میں گر کرجاں بحق اورمتعددطالبات کے زخمی ہونے پرایم کیوایم کے قائدالطاف حسین کااظہارافسوس

لندن۔۔۔3،فروری2015ء

متحدہ قومی موومنٹ کے قائد جناب الطاف حسین نے پشاورکے نواحی علاقے پشتہ خرہ میں واقع دینی مدرسے میں کنویں کی بوسیدہ چھت منہدم ہونے سے 5طالبات کے کنویں میں گرکرجاں بحق اورمتعددطالبات کے زخمی ہونے پرگہرے رنج وغم اورافسوس کااظہارکیاہے۔ایک بیان میں جناب الطا ف حسین نے جاں بحق ہونے والی بچیوں کے سوگوارلواحقین سے دلی تعزیت وہمدردی کااظہارکرتے ہوئے انہیں صبرکی تلقین کی ۔جناب الطاف حسین نے دعاکی کہ اللہ تعالیٰ ناگہانی حادثے میں جاں بحق ہونے والی معصوم بچیوں کواپنی جوار رحمت میں جگہ عطافرمائے اورسوگوارلواحقین کویہ صدمہ برداشت کرنے کاحوصلہ عطاکرے۔(آمین)جناب الطاف حسین نے کنویں میں گرکرزخمی ہونیوالی طالبات کی جلدومکمل صحت یابی کے لئے بھی نیک خواہشات کااظہارکرتے ہوئے ان کی صحت یابی کے لئے دعاکی۔