حق پرست ارکان اسمبلی اورحیدر آباد زونل کمیٹی کے ارکان حیدر آباد اور لطیف آباد میں ایسی جگہیں تلاش کریں جہاں بحریہ ٹاؤن کے سربراہ غریب و مفلوک الحال عوام کیلئے ملک ریاض مفت دسترخوان کا انتظام کر سکیں،الطاف حسین

حیدرآباد:۔۔۔30جنوری2015ء

متحدہ قومی موومنٹ کے قائد الطاف حسین نے گلستان سرمست میں الطاف حسین یونیورسٹی حیدر آباد کی سنگ بنیاد رکھنے کی تقریب سے خطاب کرتے ہوئے حیدر آباد سے تعلق رکھنے والے حق پرست ارکان اسمبلی اور زونل کمیٹی کے ارکان کو ہدایت کی کہ وہ فوراً ایک کمیٹی تشکیل دیں جو پور ے حیدر آباد اور لطیف آباد میں ایسی جگہیں تلاش کریں جہاں بحریہ ٹاؤن کے سربراہ ملک ریاض اپنی خواہش کے مطابق غریب و مفلوک الحال عوام کیلئے مفت دسترخوان کا انتظام کر سکیں ۔اس موقع پر حق پرست رکن قومی اسمبلی ڈاکٹر خالد مقبول صدیقی نے جناب الطاف حسین کی ہدایت پر ملک ریاض کو یقین دہانی کر وائی کے وہ جلد انکی خواہش کے مطابق حیدر آباد میں ایسی جگہیں تلاش کرکے انہیں آگا کردیں گے۔