ایم کیوایم سوسائٹی سیکٹر کے یونٹ انچارج سہیل احمدکے ماورائے عدالت قتل پر کاروباراورٹرانسپورٹ بندرکھ کراپنااحتجاج ریکارڈ کرائیں۔قائدتحریک الطاف حسین کی سندھ بھرکے تاجروں ،دکانداروں،صنعتکاروں، ٹرانسپورٹرزاورعوام سے دردمندانہ اپیل

لندن۔۔۔ 28 جنوری 2015ء

متحدہ قومی موومنٹ کے قائدجناب الطاف حسین نے ایم کیوایم سوسائٹی سیکٹریونٹ 64کے یونٹ انچارج سہیل احمدکے ماورائے عدالت قتل پر شٹرڈاؤن ہڑتال کے رابطہ کمیٹی کے فیصلے کی توثیق کرتے ہوئے سندھ بھرکے تاجروں ،دکانداروں،صنعتکاروں، ٹرانسپورٹرزاورعوام سے دردمندانہ اپیل کی ہے کہ وہ کل بروزجمعرات اپناکاروباراورٹرانسپورٹ بندرکھ کراپنااحتجاج ریکارڈ کرائیں۔اپنے ایک بیان میں جناب الطاف حسین نے کہاکہ ایم کیوایم کے معصوم وبے گناہ کارکنوں کوجس طرح جس طرح چن چن کرگرفتارکرکے ان کا ماورائے عدالت قتل کیاجارہاہے اس نے ماضی میں کئے جانے والے ریاستی مظالم کوبھی پیچھے چھوڑدیاہے۔جوعناصربھی ایم کیوایم کے بے گناہ کارکنوں کوسرکاری حراست میں تشددکرکے ماورائے عدالت قتل کررہے ہیں وہ اللہ تعالیٰ کے عذاب کو دعوت دے رہے ہیں۔ جناب الطا ف حسین نے کہاکہ ظلم کے یہ واقعات ہمارے حوصلوں کوپست نہیں کرسکتے۔ انہوں نے پنجاب، خیبرپختونخوا، بلوچستان، گلگت بلتستان اورآزادکشمیرکے کارکنوں سے کہاکہ وہ سہیل احمد شہیدکے ماورائے عدالت قتل پر پرامن احتجاجی مظاہرے کرکے اپنااحتجاج ریکارڈکرائیں۔ انہوں صدرمملکت ممنون حسین، وزیراعظم نوازشریف ، وزیرداخلہ چوہدری نثار اورچیف آف آرمی اسٹاف جنرل راحیل شریف سے مطالبہ کیاکہ ایم کیوایم کے کارکن سہیل احمدشہیدکے ماورائے عدالت قتل میں ملوث پولیس اہلکاروں کوگرفتارکرکے ان پر قتل کامقدمہ چلایاجائے ۔انہوں نے سہیل احمدشہیدکے لواحقین سے دلی تعزیت کااظہارکرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں۔ انہوں نے دعاکی کہ اللہ تعالیٰ سہیل احمدشہیدکی مغفرت فرمائے اورشہیدکوجنت الفردوس میں جگہ دے ۔