مسلح دہشت گردوں کی فائرنگ سے شہید ہونے والے ایم کیوایم اورنگی ٹاؤن سیکٹرکے کارکن محمد عابد کو غازی آباد کے قبرستان میں سپرد خاک کردیا گیا
نماز جنازہ اور تدفین میں رابطہ کمیٹی ، حق پرست ارکان قومی وصوبائی اسمبلی، کارکنان اورہمدردوں کی کثیر تعداد میں شرکت
کراچی ۔۔۔23، جنوری 2015ء
مسلح دہشت گردوں کی فائرنگ سے شہید ہونے والے ایم کیوایم اورنگی ٹاؤن سیکٹر یونٹ 118-Bکے کارکن عابد کو اورنگی ٹاؤن میں واقع غازی آباد کے قبرستان میں آہوں اور سسکیوں کے درمیان سپرد خاک کردیا گیا ۔ شہید کی نما ز جنازہ غازی آباد میں واقع بلال مسجد میں ادا کی گئی ۔ نما زجنازہ اور تدفین میں ایم کیوایم کی رابطہ کمیٹی کے رکن کیف الوریٰ،حق پرست رکن قومی اسمبلی محبوب عالم ، حق پرست ارکان سندھ اسمبلی محمد حسین ، سیف الد ین خالد ، ایم کیوایم اورنگی ٹاؤن سیکٹر کمیٹی کے اراکین ، سیکٹر و یونٹوں کے ذمہ داران ، کارکنان ، ہمدردوں اور شہید کے عزیز واقارب نے کثیر تعداد میں شرکت کی ۔